पुढारी सोपान मोरे (पुढारी वडील) व ॲड. बळीराम मोरे (वकील मुलगा) यांच्यात तेलही गेले तूपही गेले हाती धुपाटणे आले हे साम्य!
(१) पुढारी वडीलः कौटुंबिक परिस्थिती अशिक्षित व गरीब
वकील मुलगाः कौटुंबिक परिस्थिती अशिक्षित, अल्पशिक्षित व गरीब
(२) पुढारी वडीलः तरूण व प्रौढ वयात गिरणी कामगारांचे झुंझार पुढारीपण, पगार कमी पण रूबाब मोठा
वकील मुलगाः बालपण व तरूण पणात हुशार विद्यार्थी, तरूण व प्रौढ वयात खडतर पण बाणेदार वकिली, वकिलीतून आर्थिक कमाई कमी पण रूबाब मोठा
(३) पुढारी वडीलः पत्नी अशिक्षित व सहा जणांच्या मोठ्या कुटुंबाची गृहिणी
वकील मुलगाः पत्नी बारावी, नॉन ग्रॅज्यूएट अल्पशिक्षित व तीन जणांच्या छोट्या कुटुंबाची गृहिणी
(४) पुढारी वडीलः कापड गिरणी नोकरीत जो पैसा कमवला तो सर्व पुढारीपणाचा रूबाब व संसारावर संपवला, शेवटी म्हातारपणी बँकेत शिल्लक शून्य
वकील मुलगाः वकिलीतून जो पैसा कमवला तो सर्व काही झाले तरी नोकरी करायची नाही पण कसेही करून वकिली स्वातंत्र्याचा रूबाब टिकवायचा या हट्टावर व संसारावर संपवला, शेवटी उतार वयात बँकेत शिल्लक शून्य
(५) पुढारी वडीलः तरूण व प्रौढ वयात गिरणी कामगार पुढारपणा भोवती गोळा झालेले सर्व गिरणी कामगार उतार वयात ताकद व उपयुक्तता संपत गेल्याने हळूहळू सोडून गेले
वकील मुलगाः तरूण व प्रौढ वयात वकिलीभोवती गोळा झालेले सर्व लोक व क्लायंटस उतार वयातील आजारपणामुळे व उपयुक्तता संपत गेल्याने हळूहळू सोडून गेले
(६) पुढारी वडीलः म्हातारपणी हातात वरळी बी.डी.डी. चाळीतील एक छोटे घर शिल्लक राहिले जे काही काळ वारसा हक्कामुळे वादग्रस्त झाले
वकील मुलगाः म्हातारपणी हातात लांब मुंबईच्या बाहेर डोंबिवलीला जुन्या इमारतीतला वन बीएचके फ्लॅट शिल्लक राहिला जो वारसा हक्कामुळेच वादग्रस्त झाला
(पुढारी वडिलांच्या वरळीच्या छोट्या घराची किंमत व वकील मुलाच्या डोंबिवलीच्या वन बीएचके फ्लॅटची किंमत बापलेकांच्या म्हातारपणी जवळजवळ सारखीच हे विशेष)
टीपः शेवटी जीवनाच्या अंतकाळी पुढारी वडील व वकील मुलगा या दोघांच्याही नशिबी काय तर तेलही गेले (रूबाब संपला) व तूपही गेले (पैसा संपला) हाती धुपाटणे (शून्य भोपळा) आले!
-©ॲड.बी.एस.मोरे, ११.५.२०२५
कोणत्याही टिप्पण्या नाहीत:
टिप्पणी पोस्ट करा