आषाढी एकादशीच्या सर्वांना शुभेच्छा!
मी पंढरपूरकर असल्याने पंढरपूरच्या अनेक वाऱ्या लहानपणापासून बघत आलो आहे. कार्तिकी एकादशीची वारी तर मोठी आहेच पण सर्वात मोठी वारी म्हणजे आषाढी एकादशीची वारी. लाखो वारकऱ्यांच्या भेटीने सजणारी ही सर्वात मोठी पंढरपूर यात्रा! पण आज १ जुलै २०२० रोजी आषाढी एकादशी असूनही सारे पंढरपूर ओस पडलेय, चंद्रभागा नदीचा परिसर ओसाड झालाय आणि महाराष्ट्र मुख्यमंत्र्याच्या हस्ते होणारी विठ्ठलाची महापूजा मास्क लावून होतेय, हे दृश्य आयुष्यात पहिल्यांदाच बघायला मिळतेय आणि या सर्वाला कारण काय तर कोरोनाचे महाभूत! कोरोनाचे महाभूत देवाला भारी पडतेय यावर विश्वासच बसत नाही. अशी उदास आषाढी एकादशी कधी बघायला मिळेल असे चुकूनही वाटले नव्हते. यालाही देवाची लीला म्हणूया व कोरोना लस लवकर बाजारात आणून कोरोनाचे महाभूत पळवून लाव अशी विठ्ठलाकडे प्रार्थना करूया! हरी विठ्ठल! हरी पांडुरंग!
-ॲड.बी.एस.मोरे©१.७.२०२०
कोणत्याही टिप्पण्‍या नाहीत:
टिप्पणी पोस्ट करा