कल्याण न्यायालयाचे माजी न्यायाधीश, वरिष्ठ वकील व आंतरराष्ट्रीय मानव हक्क संघटनेचे ठाणे जिल्हा बोर्डाचे अध्यक्ष ॲड. श्री. प्रदीप ठक्कर यांचे हृदयविकाराने दुःखद निधन!
आजच सकाळी आंतरराष्ट्रीय मानव हक्क संघटनेचे महासंचालक श्री. उमेद विसारिया यांचेकडून फेसबुक इनबॉक्स मध्ये व कल्याण वकील संघटना (दिवाणी) चे पदाधिकारी श्री. नरेंद्र बोंद्रे यांचेकडून फेसबुकवर वाईट बातमी मिळाली की कल्याणचे सिनियर वकील व कल्याण न्यायालयाचे माजी न्यायाधीश व
तसेच आंतरराष्ट्रीय मानव हक्क संघटनेच्या ठाणे जिल्हा बोर्डाचे अध्यक्ष ॲड. श्री. प्रदीप ठक्कर यांचे हृदयविकाराने दुःखद निधन झाले आहे. ही माझ्यासाठी अत्यंत दुःखद बातमी आहे. कारण कल्याण कोर्टात प्रॕक्टिस करीत असताना ॲड. प्रदीप ठक्कर यांच्याच चेंबर मध्ये मी काही काळ त्यांचा ज्यूनियर वकील म्हणून काम केले आहे. कल्याणच्या त्यांच्या अॉफीसमध्ये ज्यूनियर वकिलांचा खूप राबता होता. त्यांची कायद्याच्या पुस्तकांची खूप मोठी लायब्ररी आहे. कोर्टाचे अर्ज, प्रोसिडिंग्ज ते जुन्या पद्धतीने सफाईदारपणे लिहायचे व मग ज्यूनियर वकिलांकडून त्याचे टायपिंग होऊन ते कोर्टात सादर व्हायचे. कोर्टातही ते थोडक्यात पण मुद्देसूद युक्तिवाद करायचे. त्यांच्या विषयी माझ्या मनात आदरयुक्त दबदबा होता. पण ते आता या जगात नाहीत. माणसे सोडून चालली हो! खूप दुःख झाले! ईश्वर त्यांच्या आत्म्यास शांती देवो व त्यांच्या कुटुंबास हे दुःख सहन करण्याचे बळ देवो! अत्यंत दुःखी मनाने त्यांना माझी भावपूर्ण श्रध्दांजली!
-ॲड.बी.एस.मोरे, ८.९.२०२०
कोणत्याही टिप्पण्‍या नाहीत:
टिप्पणी पोस्ट करा