कर्तुत्वाची उंची व उंचीचे पुतळे!
महापुरूषांच्या कर्तुत्वाची उंची पुतळ्यांच्या उंची पेक्षा खूप मोठी आहे. नर्मदा नदीवर सरदार वल्लभभाई पटेल यांचा उंच पुतळा उभारण्यात आला. त्यानंतर छत्रपती शिवाजी महाराजांचा अश्वारूढ पुतळा मुंबई जवळील अरबी समुद्रात उभारण्यात येणार आहे. दिनांक ११.९.२०२० च्या लोकसत्तेतील बातमीनुसार मुंबईतील इंदु मिल स्मारकात डॉ. बाबासाहेब आंबेडकर यांचा ४५० फूट उंचीचा पुतळा उभारण्यात येणार आहे. महापुरूषांचे हे भव्य दिव्य पुतळे व त्यांची स्मारके बघण्याचे भाग्य साठी, पासष्टी पार केलेल्या आमच्या सारख्या वृध्दांना आहे की नाही हे कोरोनाग्रस्त काळच ठरवेल! या महापुरूषांच्या कर्तुत्वाची उंची इतकी मोठी आहे की त्या उंचीचे पुतळे उभारणे खरं तर अवघड आहे. पण तरीही पुतळ्यांची ही उंची बघून थक्क व्हायला होते. आपण सर्वसामान्य माणसे महापुरूषांच्या कर्तुत्वाच्या पायाजवळही पोहोचू शकलो नाही आहोत हे सत्य आहे. या महापुरूषांना वंदन!
-ॲड.बी.एस.मोरे©१४.९.२०२०
कोणत्याही टिप्पण्‍या नाहीत:
टिप्पणी पोस्ट करा