मी तसा भित्राच!
पुरूषांनी घरातील स्त्रियांचे फोटो फेसबुकवर टाकताना काळजी घ्यावी व शक्यतो असे फोटो टाकू नयेत याविषयी मी आज दोन पोस्टस फेसबुकवर लिहिल्या. त्यावर पाठिंबा व विरोध अशा दोन्ही प्रकारच्या कमेंटस आल्याने माझ्या या दोन्ही पोस्टस स्त्री स्वातंत्र्याच्या दृष्टीने वादग्रस्त ठरल्या. या दोन्ही पोस्टसमुळे मी मागासलेला, जुनाट विचाराचा आहे असाही समज निर्माण झाला. याविषयी मला एवढेच म्हणायचे आहे की, मला जे योग्य वाटले ते मी लिहिले. कोणत्याही स्वातंत्र्यावर वाजवी मर्यादा घालणे हा जर भित्रेपणा असेल तर तो मी माझ्यापुरता जरूर करणार व मी तसा भित्रा आहे असे जाहीरपणे लोकांना सांगणार. मग लोकच ठरवतील की माझ्याशी मैत्री करायची की नाही व केली असेल तर ती ठेवायची की नाही.
-ॲड.बी.एस.मोरे©२४.९.२०२०
कोणत्याही टिप्पण्‍या नाहीत:
टिप्पणी पोस्ट करा