खेळ मांडला!
काय म्हणावे निसर्गातील अलौकिक निसर्गशक्तीला किंवा परमेश्वराला?
या महाशक्तीने/परमेश्वराने स्वतःच सृष्टीचा पसारा वाढवला. त्या सृष्टीत स्वतःच प्रश्नांचे डोंगर निर्माण केले आणि मग स्वतःच त्या डोंगरावर उत्तरांचे झरे निर्माण केले व त्या प्रश्न व उत्तरांच्या चक्रात सृष्टीतील सजीव व निर्जीव पदार्थांना कोड्यात घालून सतत खेळवत, झुंझवत ठेवले. या असल्या करणीने त्या निसर्गशक्तीला किंवा परमेश्वराला कोणता आनंद मिळत असेल व यातून त्या शक्तीला किंवा परमेश्वराला काय साध्य करायचे आहे हे त्या महाशक्तीला/परमेश्वरालाच ठाऊक. मानवी मनातील खेळ हा निसर्गशक्तीच्या/परमेश्वराच्या या मोठ्या खेळाचाच भाग. या खेळात किती भाग घ्यायचा व त्यात किती गुंतत जायचे हा ज्याच्या त्याच्या मनाचा प्रश्न. खरं तर जगातील बऱ्याच मानवनिर्मित गोष्टी हे मानवी मनाचे खेळ आहेत. या निसर्गातील सगळ्याच खेळांचा कर्ता करविता असलेल्या त्या महान निसर्गशक्तीला किंवा परमेश्वराला वंदन!
-©ॲड.बी.एस.मोरे, २४.६.२०२४
कोणत्याही टिप्पण्या नाहीत:
टिप्पणी पोस्ट करा