साधा मोबाईल फोन घेण्याचा विचार करतोय!
मोबाईलचा आधुनिक नमुना स्मार्ट फोन म्हणजे निव्वळ धिंगाणा. इथे लोकांनी त्यांच्या खाजगी गोष्टी सार्वजनिक करून त्याचा तमाशा केलाय. इथे कोणालाही शास्त्रज्ञांचे शोध, तात्त्विक विचार, कायदा या ज्ञानवर्धक गोष्टींत रस नाही. इथे कोणी कसल्याही पारावरच्या गप्पा मारतोय व कसलेही व्हिडिओज शेअर करतोय. पूर्वी हे असले काही नव्हते. ज्ञानवर्धक वाचनासाठी छापील पुस्तके, बातम्यांसाठी छापील वृत्तपत्रे, बातम्या व थोड्या करमणूकीसाठी दूरदर्शनची एकच वाहिनी, गाण्यांसाठी रेडिओ तर चित्रपटांसाठी चित्रपट गृह होते. सगळे किती छान, दर्जेदार होते. आता या स्मार्ट मोबाईल फोनने सगळ्याच दर्जेदार गोष्टींची वाट लावलीय. किळसवाणा प्रकार झालाय नुसता. म्हणून फक्त आवश्यक तेवढे फोन संभाषण करण्यासाठी साधा मोबाईल फोन घेण्याचा विचार करतोय.
-©ॲड.बी.एस.मोरे, २२.६.२०२४
कोणत्याही टिप्पण्या नाहीत:
टिप्पणी पोस्ट करा