तुकड्यांचे आर्थिक मूल्य!
विविध पदार्थ, वनस्पती, पशूपक्षी व माणसे जशी निसर्गात विखुरलेली आहेत तसे निसर्गाचे विज्ञानही निसर्गात विखुरलेले आहे. एका माणसाला या विखुरलेल्या विविध गोष्टींवर व विखुरलेल्या विज्ञानावर एकट्याचे स्वराज्य निर्माण करता येत नाही, मग सुराज्याचा तर प्रश्नच नाही.
एकटा माणूस त्याच्या आयुष्यात फार तर विखुरलेल्या तुकड्यांच्या काही तुकड्यांमध्ये प्रावीण्य मिळवू शकतो व त्या प्रावीण्याच्या जोरावर त्या ठराविक तुकड्यांवरच मर्यादित राज्य करू शकतो. विखुरलेल्या या सगळ्या तुकड्यांना आर्थिकदृष्ट्या एकत्रित करून त्यांचे एकत्रित आर्थिक मूल्य मोजून तेवढाच पैसा बाजारात खुला करण्याचे काम देशाच्या मध्यवर्ती बँकेचे (भारतीय रिझर्व्ह बँक हे उदाहरण) असते.
माझा प्रश्न हा आहे की, अनैसर्गिक व असामाजिक वर्तनातून पर्यावरण प्रदूषित करणारे विनाशी घटक पर्यावरणात सतत निर्माण होत असतात व त्यांच्याकडे वातावरण बिघडवण्याचे उपद्रव मूल्य (न्युसन्स वॕल्यू) जबरदस्त असते. हे विनाशी उपद्रव मूल्य देशाची मध्यवर्ती बँक विखुरलेल्या तुकड्यांच्या एकूण आर्थिक मूल्यातून वजा करते काय?
-©ॲड.बी.एस.मोरे, ३०.१२.२०२३
कोणत्याही टिप्पण्‍या नाहीत:
टिप्पणी पोस्ट करा