बिटकाॕईन?
दिनांक ७.१२.२०२३ च्या लोकसत्ता दैनिकातील बातमीनुसार एका बिटकाॕईनचे मूल्य सुमारे (?) ३६ लाख ७९ हजार रूपये? हा काय प्रकार आहे? क्रिप्टो एक्सचेंज व बिटकाॕईन म्हणजे आभासी चलन आर्थिक व्यवहारात कोणी व का सुरू केले? याला जगभरात (भारत धरून) सरकारी मान्यता नसेल तर मग सरकारच्या मध्यवर्ती बँकेच्या नाकावर टिच्चून हे आभासी चलन अर्थ व्यवहारात कसे चालू आहे? डिजिटल क्रांतीचा हा भाग असेल तर ही क्रांती आर्थिक व्यवहारातील गैरव्यवहारास प्रोत्साहन देणारी ठरेल काय? मग तुफान गाजलेल्या भारतातील नोटबंदीचे काय? ई.डी. चे याबाबतीत धोरण काय आहे? हे आभासी चलन आर्थिक भ्रष्टाचार वाढवेल की कमी करेल? माझ्या डोक्यात या आभासी चलनातून अनेक प्रश्न निर्माण झालेत. माझ्या जुजबी माहितीप्रमाणे बिटकाॕईन हे कोणत्याही देशाचे अधिकृत चलन नाही आणि त्याला कोणत्याही देशाच्या मध्यवर्ती बँकेचे पाठबळ नाही म्हणजे त्याची शासनमान्य हमी नाही. म्हणजे ते भ्रामक/काल्पनिक चलन आहे व त्यामुळे या चलनास भारतात बंदी आहे. माझा प्रश्न हा आहे की अशा आभासी, भ्रामक, काल्पनिक चलनाची बातमी होतेच कशी? याचा अर्थ हे आभासी चलन समांतर अर्थव्यवस्थेचा भाग बनून कायद्याच्या राज्यात कायदा व शासन व्यवस्थेच्या नाकावर टिच्चून आपला काळा कारभार बिनधास्त करीत आहे. मग लोकांचा विश्वास कायदा व शासन व्यवस्थेवरून कमी होईल की नाही?
-©ॲड.बी.एस.मोरे, ८.१२.२०२३
कोणत्याही टिप्पण्‍या नाहीत:
टिप्पणी पोस्ट करा