नको ती गर्दी आणि त्या गर्दीने निर्माण केलेला नरक!
लोकसंख्या वाढीच्या भस्मासुराने गर्दीचा जो हैदोस घातलाय त्याने जग एक नरक बनवलाय. गर्दी, गर्दी आणि गर्दी, एक भयानक वास्तव! या वास्तवाच्या पार्श्वभूमीवर सुचलेले हे सुंदर स्वप्न.
छान निसर्गरम्य ठिकाण असावे. तिथे थोडीच पण जिवाला जीव देणारी माणसे असावीत. त्यांच्यात धर्म, वंश, जात, भाषा, प्रांत असे भेद नसावेत. सगळ्यांची जगण्याची छान सोय असावी व शिस्तीने कामे वाटून घेतल्याने स्पर्धा नसावी. तिथे राजकारण ही गोष्ट तर बिलकुल नसावी. ज्ञान, प्रतिभेची तिथे सुंदर देवाणघेवाण व्हावी व त्यातून तिथे एकमेकांचे दिलखुलास कौतुक व्हावे. तिथे जीवन यांत्रिक नव्हे तर नैसर्गिक असावे व कृत्रिम साधने कमीतकमी असावीत. थोडक्यात तिथे सर्वांचा आत्मा व परमात्मा एक असावा व तिथे स्वर्ग नांदावा. कमी लोकसंख्या असलेली अशी सुंदर स्वर्गीय ठिकाणे जगभर असावी व संपूर्ण जगच एक स्वर्ग व्हावा. नको ती गर्दी व नको त्या गर्दीने निर्माण केलेला नरक!
-©ॲड.बी.एस.मोरे, २.७.२०२४
कोणत्याही टिप्पण्या नाहीत:
टिप्पणी पोस्ट करा