मॕट्रिमोनी ताई, नमस्कार.
मी वराचा डोंबिवलीला राहणारा काका आहे. वर बदलापूर येथे राहतो. मी तुम्हाला मुली (वधू) विषयीच्या अपेक्षा प्रत्यक्ष तुमच्या साईटवर सांगितल्या आहेत. अहो, तुम्ही तुमच्या साईटसवर वधूवर स्थळांच्या नोंदण्या फुकटात करता व नंतर कसले ते पॕकेज देऊन जोडीदार संपर्कासाठी पैसे मागता? हे मला मंजूर नाही. हा तर पैशाच्या तालावर चालवलेला लग्नाचा बाजार झाला. शेवटी मी वकील आहे त्यामुळे ही गोष्ट थोडी गांभीर्याने घ्या. स्थळ जमल्यावर आम्ही खुशीने देऊ की भेट म्हणून काही पैसे तुम्हाला. ही वधूवर सूचक सेवा तुम्ही समाजसेवा म्हणून अगोदर फुकटात किंवा अत्यंत कमी पैशात करा. अगोदर नीट स्थळे दाखवा व मगच पैशाची मागणी करा. तुम्हाला मध्यस्थ म्हणून पैशात कमिशन लागते काय? तुम्ही माझ्या पुतण्याच्या स्थळाची तुमच्याकडे नोंदणी करतानाच जर १०० रूपयांच्या वर एक जरी पैसा जादा मागितला असता तर मी तुमचा नाद लगेच तिथल्या तिथेच सोडून दिला असता. नोंदणी फुकट करून नंतर स्थळ दाखवताना तुम्ही पैशाची मागणी करता ही पद्धतच चुकीची आहे. धन्यवाद!
-ॲड.बळीराम मोरे, डोंबिवली
कोणत्याही टिप्पण्‍या नाहीत:
टिप्पणी पोस्ट करा