नुसते शिक्षण ही पाॕवर नव्हे!
बौद्धिक हुशारीवर उच्च शिक्षण घेता येईलही पण त्या उच्च शिक्षणाला साजेल अशा मोठ्या कामांचा सराव करण्याची संधी जर अशा सुशिक्षित माणसाला सातत्याने मिळाली नाही तर त्याचे उच्च शिक्षण वाया जाऊ शकते. उच्च शिक्षणाचा सातत्यपूर्ण सराव होण्यासाठी त्या शिक्षणाला योग्य अशा उच्च दर्जाच्या मोठ्या कामांची सातत्यपूर्ण संधी मिळणे आवश्यक असते. उच्च शिक्षणाला मोठे आर्थिक व राजकीय पाठबळ मिळाले तर अशा शिक्षणाचे सोने व्हायला वेळ लागत नाही. नाहीतर अशा शिक्षणाची माती होऊ शकते. मग डोक्यात सतत मोठ्या कामांचे विचार पण हातात मात्र छोटी कामे या वास्तवाशी जुळवून घेता घेता ती छोटी कामेही नीट होत नाहीत व मग छोटी कामेच मोठ्या कामांसारखी करण्याचे मंत्रचळी वेड मनाला लागू शकते.
-©ॲड.बी.एस.मोरे, १९.११.२०२३
कोणत्याही टिप्पण्या नाहीत:
टिप्पणी पोस्ट करा