बाजारमूल्याच्या गणिती जुगारावर नाचणारी हवेतील श्रीमंती!
वस्तू व सेवांच्या बाजारातील तुमची आर्थिक पत ही तुमच्या बौद्धिक व भौतिक भांडवली मालमत्तेच्या व त्यातून तुम्ही बाजाराला पुरवठा करीत असलेल्या वस्तू व सेवांच्या बाजारातील मागणीवर अवलंबून असते. थोडक्यात काय तर मागणी व पुरवठ्याच्या दबाव घटकांवर तुमचे बाजार मूल्य ठरते व त्यावर ठरते तुमची आर्थिक पत. बाजार मूल्य व बाजार भाव स्थिर नसतात. ते सतत वरखाली होत असतात. खरं तर बाजार मूल्याचे गणित हाच मोठा जुगार आहे जो सतत वरखाली होणाऱ्या बाजारमूल्य व बाजार भावाच्या अस्थिरतेवर आधारित आहे आणि या असल्या जुगारात पैसे कमावण्यासाठी सर्वसामान्य माणसे जेंव्हा केविलवाणी धडपड करतात तेंव्हा ती जबरी फसतात, कोलमडतात. मूठभर भांडवलदारी मंडळींनी केवळ शेअर बाजारातच नव्हे तर वस्तू व सेवांच्या बाजारात सुद्धा मांडलेल्या या बाजारमूल्यी जुगारी श्रीमंती पासून सावध रहा. ही श्रीमंती म्हणजे हवेने फुगवलेला फुगा होय जो कधीही फुटू शकतो!
-ॲड.बी.एस.मोरे©१७.११.२०२३
कोणत्याही टिप्पण्‍या नाहीत:
टिप्पणी पोस्ट करा