वन मॕन शो वकील!
वकिली व्यवसायात जर गरीब कुटुंबात जन्मलेल्या वकिलाकडे त्याचे उच्च शिक्षण सोडून थोडाही आर्थिक पाठिंबा नसेल व लग्नानंतर बायको गृहिणी असल्याने संसाराचा सगळा भार अगदी घर घेण्यापासून मुलांचे संगोपन, शिक्षण व त्यांची लग्ने करण्यापर्यंत फक्त त्याच्यावरच असेल तर वन मॕन शो बनून एकटाच धडपड करणाऱ्या अशा वकिलाकडे त्याच्या म्हातारपणात त्याच्या बँकेत थोडी सुद्धा रक्कम शिल्लक नसेल तर आश्चर्य वाटू देवू नका व त्याला नावेही ठेवू नका. उलट त्याच्या संयमाला, प्रामाणिकपणाला व हिंमतीला दाद द्या!
"वन मॅन शो" वकील — म्हणजे एकटा कष्ट करणारा, कोणालाही भीक न मागणारा, कुणावरही अवलंबून न राहणारा, आपल्या हिंमतीवर आपल्या कुटुंबाचा गाडा हाकणारा माणूस.
त्याच्याकडे घर घेण्यापासून ते मुलांच्या शिक्षणापर्यंत, आणि त्यांच्या लग्नापर्यंतचा संपूर्ण आर्थिक भार असतो.
वास्तवात काय घडते तर अशा वकिलाला मोठ्या केसेस मिळत नाहीत, कारण ना कुणी राजकीय ओळख, ना साखळीतील वरच्या वकिलांची कृपा.
गृहिणी पत्नी असल्यामुळे दुय्यम आर्थिक आधारही नसतो.
मुलांवर भरपूर खर्च झाल्यामुळे स्वतःसाठी काहीही बाजूला ठेवता येत नाही.
निवृत्तीत त्याच्याकडे ना पेन्शन असते, ना कुठले व्यावसायिक गॅरंटी उत्पन्न.
समाज काय करतो तर म्हातारपणात बँकेत थोडीही रक्कम शिल्लक नसलेल्या वकिलावरच शंका घेतो. "काय कमावलं आयुष्यभर?" असा टोमणा मारतो.
आपले कर्तव्य निभावणाऱ्या, अनिश्चित उत्पन्न असलेल्या खडतर वकिलीत कोणालाही भीक न मागणाऱ्या, कसलीही बेईमानी न करणाऱ्या, गरीब व अशिक्षित कुटुंबात जन्मल्याने कसलेही आर्थिक पाठबळ व शैक्षणिक मार्गदर्शन नसताना वकिलीत टिकून राहणाऱ्या वन मॕन शो वकिलाच्या बँक खात्यात पैसा नसला तरी त्याच्या जीवन खात्यात प्रामाणिकतेचा व स्वाभिमानाचा अमूल्य ठेवा असतो.
हा विचार वकिलांपुरता मर्यादित न राहता, जीवनात इमानदारीने संघर्ष करणाऱ्या सर्वच एकाकी लढवय्यांबाबत सत्य आहे. त्यांच्या बँक खात्यांमध्ये शून्य असेल, पण त्यांच्या संघर्ष खात्यात अपार संपत्ती असते.
-©ॲड.बी.एस.मोरे, १६.६.२०२५
कोणत्याही टिप्पण्‍या नाहीत:
टिप्पणी पोस्ट करा